ჩვენ უკვე განვიხილეთ Android N-ის რამდენიმე ახალი ფუნქცია, თუმცა ჯერ კიდევ დარჩა ძალიან ბევრი, რომელთა შესახებაც არაფერი გვითქვამს. მაგალითად, განახლებული უკანასკნელი აპლიკაციების სია, aka Recents. ინტერფეისში აპლიკაციის ზომა ბევრად დიდია. სტატიასთან დართულ სურათზე მოცემულია იგივე ინტერფეისი Android Marshmallow-სა (მარცხნივ) და N-ში (მარჯვნივ).

აპლიკაციების “ბარათების” ახლა თითქმის მთელი ეკრანი უკავია, ამიტომ ახლა მათში აპლიკაციის ინტერფეისის უფრო დიდი ნაწილი ჩანს. უნდა გავითვალისწინოთ, რომ სასურველი აპლიკაციის გასახსნელად ახლა უფრო ბევრი “სქროლვა” დაგვჭირდება. თუ Marshmallow-ში შეგვეძლო 3 აპლიკაციიდან ნებისმიერი ჩაგვერთო ჩამოსქროლვის გარეშე, N-ში მხოლოდ 2-ის არჩევის საშუალება გვაქვს.

თუ თქვენ უკვე აპლიკაციაში ხართ და Recents ღილაკს დააჭერთ, თქვენ დაინახავთ, რომ გახსნილი აპლიკაცია დაბლა “ჩამოსრიალდება”, მის ზემოთ კი მანამდე გახსნილი აპლიკაციები გაჩნდებიან. აღნიშნული ცვლილება საკმაოდ მოსახერხებელი და ლამაზიცაა. ბოლოს გახსნილ აპლიკაციაში გადასვლა ასევე შეგიძლიათ recents ღიალკზე ორჯერ დაჭერით (იხილეთ ვიდეო).