ალბათ აქამდე უკვე შეამჩნევდით, რომ ენდი რუბინის ბაზარზე ახლახანს გამოჩენილი მწარმოებელი, Essential-ი, მომხარებლებს სისტემური განახლებებით ანებივრებს. ტელეფონის გამოსვლის შემდეგ გამოვიდა რამდენიმე განახლება. მათი უმეტესობა პროგრამული უზრუნველყოფის სტაბილურობის გაუმჯობესებას ემსახურებოდა, თუმცა ვიხილეთ საკმარისი რაოდენობის ახალი ფუნქციებიც. არ უნდა გამოგვრჩეს ისიც, რომ კომპანიაში დღემდე მუშაობენ კამერის პრობლემების გამოსწორებაში. ახლა კი, ყველასთვის მოულოდნელად, ჰორიზონტზე Android Oreo-ს პირველი ბეტა ანაწყობი გამოჩნდა. zip ფაილის დაფლეშვა adb ხელსაწყოებით შეგიძლიათ, რადგან Essential-მა სერვერებზე OTA განახლება არ გაუშვა.
We’re excited to announce that Oreo beta is now available on Essential Phone. Get the details and sign up here: https://t.co/oonhRC1b16 pic.twitter.com/dLjKMZMQ9m
— Essential (@essential) November 14, 2017
რა საკვირველია, მათთვის, ვინც დაფლეშვის პროცესში ვერ ერკვევა, Essential-მა ინსტრუქცია გამოაქვეყნა. გამაფრთხილებელ განცხადებაში კი წერია, რომ ბეტა ვერსიაში შეინიშნება ბატარეის არაენერგოეფექტურება და Bluetooth-ის პრობლემები. ასევე ხელმისაწვდომი გახდა Nougat-ის სისტემური იმიჯებიც, რომლებსაც კომპანია აქამდე “მალავდა”.
სტატიის განახლება (16/11/2017 – 21:18): როგორც ჩანს, Oreo-ს ბეტას აქვს Treble-ის მხარდაჭერა! Essential არის ერთ-ერთი პირველი მწარმოებელი, რომელმაც ნუგადან ორეოზე განახლების შემდეგ Treble-ი დამაატა.
წყარო: Essential (ბეტა ვერსიები), (სტაბილური ვერსიები)