ბოლო რამდენიმე თვის განმავლობაში აქტიურად ვრცელდებოდა ჭორები Huawei-ს ახალი სმარტფონების შესახებ. სულ ცოტა ხნის დავწერე P Smart-ის მიმოხილვაც, სადაც ხაზგასმით აღვნიშნე, რომ ამ კომპანიის მარტფონები სულ უფრო და უფრო უკეთესი ხდება. ჩემი ეს მოსაზრება ახლად გამოსულმა P20-მა და P20 Pro-მ კიდევ ერთხელ დაადასტურეს.
როგორღაც Huawei-მ მოახერხა, შეექმნა სმარტფონები, რომლებიც DxOMark-ის ტესტირებაში ყველაზე მაღალ ქულებს მიიღებენ. აღსანიშნავია, რომ P20 Pro-ს უნიკალური სამი კამერა აქვს. პირველი და მეორე კამერა 40 მეგაპიქსელამდე მრგვალდება, თუმცა ნაგულისხმევად ისნი 10მპ-მდეა ჩამოყვანილი. გამოდის, რომ ფოტოების გადაღების დროს გექნებათ შესაძლებლობა, გადაიღოთ დიდი ზომის 40 მეგაპიქსელიანი ფოტოები, ან შედარებით მაღალი ხარისხის 10 მეგაპიქსელიანი ფოტოები, რომლებიც ორივე კამერიდან მიღებული ინფორმაციისგან შედგება. მესამე კი 8 მეგაპიქსელიანი, ოპტიკურად სტაბილიზირებული კამერაა, რომელსაც სამმაგი ოპტიკური და ხუთმაგი ჰიბრიდული ზუმი აქვს.
P20-ისა და P20 Pro-ს წინა მხარეს, შესაბამისად, ეკრანის თავზე იხილავთ 2018 წლის ერთ-ერთ ყველაზე ცუდ ტრენდს: ნახევარკუნძულს. თუმცა, საბედნიეროდ მისი “გამორთვა” შესაძლებელია. “გამორთვაში” იგულისხმება მის მარჯვენა და მარცხენა მხარეს ეკრანის შავი ფონით შევსება.
რა განსხვავებაა P20-სა და P20 Pro-ს შორის?
- კამერები: P20-ს ორი კამერა აქვს, P20 Pro-ს კი სამი;
- დიზაინი: P20 Pro-ს IP67 მტვერ და წყალგაუმტარობის სერტიფიკატი აქვს, P20-ს კი არა;
- ყურსასმენების ჯეკი: გაურკვეველი მიზეზების გამო, იგი მხოლოდ P20-ზე გვხვდება;
- ეკრანი: P20 აღჭურვილია 5.8 დიუმიანი LCD ეკრანით, P20 Pro კი 6.1 დიუმიანი AMOLED ეკრანით. თუმცა ორივე ორივე 2240 x 1180 გაფართოებისაა 18.7:9 ფარდობაზე;
- ოპერატიული მეხსიერება: P20 – 4GB, P20 Pro – 6GB. ორივე ტელეფონს აქვს 128GB შიდა მეხსიერება და MicroSD ბარათის სლოტი;
- ბატარეა: P20 – 3,400 mAh, P20 Pro – 4,000 mAh.
Huawei P20-ის გაყიდვები დღეს დაიწყო ევროპაში და მისი ფასი €649-ს შეადგენს. P20 Pro კი 6 აპრილს ჩაეშვება გაყიდვაში €899-ად. პორშეს დიზაინის 512GB-იანი ვერსია 16 აპრილს იქნება ხელმისაწვდომი €2,095. რა საკვირველია, GInfo-სგან უნდა ელოდოთ P20/Pro-ს მიმოხილვას.