ერთ თვიანი ბეტა ტესტირების შემდეგ OnePlus-მა Android 8.1 Oreo-ზე დაფუძნებული OxygenOS 5.1.0 გამოუშვა. აღნიშნული განახლება აპრილის უსაფრთხოების patch-ს მოიცავს. ცვლილებების სრული სია შეგიძლიათ ქვემოთ იხილოთ.

სისტემა

სისტემა განახლდა Android 8.1 Oreo-ზე.

Android-ის უსაფრთხოების patch-ი განახლდა 2018-04 ვერსიაზე.

დაემატა ჟესტური ნავიგაცია (მხოლოდ 5T-ზე).

თამაშების რეჟიმი

დაემატა ოპტიმიზაციები Gaming mode-ში, მათ შორის ბატარეის დამზოგველი რეჟიმი და ადაპტიური განათების დაპაუზების მხარდაჭერა.

ქსელის პრიორიტეტი მიენიჭება იმჟამად ჩართულ თამაშს.

Launcher-ი

აპლიკაციების ასარჩევს დაემატა კატეგორიების სექცია.

საქაღალდეების ავტომატური დასახელება მისი შიგთავსის კატეგორიის მიხედვით.

OnePlus ინპლემენტირებული ჟესტური ნავიგაცია, რა საკვირველია, iPhone X-ის ნავიგაციის უნიჭო ასლია. ფუნქცია არც თუ ისე გამართულად მუშაობს და ისეთ შეგრძნებას ტოვებს, თითქოს ბეტა ვერსიის შემდეგ საერთოდ არ შეცვლილა. განახლება ეტაპობრივად ვრცელდება და მალე მას ყველა მომხმარებელი მიიღებს.

წყარო: OnePlus