გასულ წელს კომპანია BlackBerry-მ სმარტფონების მთელ ინდუსტრიას დაუმტკიცა, რომ ჯერ კიდევ არის შესაძლებელი ინოვაციური და განსხვავებული პროდუქტების შექმნა. არც მეტი და არც ნაკლები, მათი KEYone სმარტფონი ფიზიკური კლავიატურით იყო აღჭურვილი. რა საკვირველია, მას ჰყავდა როგორც მოყვარულები, ასევე მოძულეებიც. მთავარი კი მაინც ისაა, რომ მათი იდეა და პროდუქტი ბევრად უფრო ორიგინალური იყო, ვიდრე “ნახევარკუნძულის” გადმომკოპირებლების პროდუქტებია.

კომპანიის Twitter-ის ანგარიშზე მსგავსი პოსტი გავრცელდა, რაც ადასტურებს იმას, რომ KEY2-ის რელიზი 7 ივნისს შედგება.

არაოფიციალურ წყაროებზე დაყრდნობით, ტელეფონი აღჭურვილი იქნება Snapdragon 660 პროცესორით, 6GB ოპერატიული მეხსიერებით, ორმაგი კამერითა და რაღა თქმა უნდა არატრადიციული ზომისა და გაფართოების ეკრანით.

წყარო: BlackBerry Mobile (Twitter)