ინტერნეტში უკვე რამდენიმე კვირაა, რაც ჭორები დაქრის Huawei P9-ს შესახებ. როგორც იქნა, Huawei-მ უკვე წარმოგვიდგინა იგი გუშინ, ლონდონში. სტანდარტულ P9-ს, როგორც მის წინა მორბედს, 5.2 ინჩიანი 1080p ეკრანი აქვს. P9 Plus-ის ეკრანის ზომა 5.5 ინჩს შეადგენს, თუმცა გაფართოება ისევ იგივეა.
P9-ში ყველაზე მეტად გამოირჩევა ახალი კამერა, უფრო ზუსტად, კამერები. ტელეფონი აღჭურვილია ორმაგი კამერით, როგორიც აქვს Honor 6 Plus-ს, მაგრამ ამჯერად მას Leica SUMMARIT H 1:2.2/27 ორმაგი ლინზა, ორმაგი LED განათება და ლაზერული აუტოფოკუსიც ემატება. კამერის გაფართოება 12MP-ს შეადგენს, თუმცა ჯერ კიდევ გასარკვევია, როგორ იმუშავებს იგი. Huawei და Leica ამას “სმარტფონით ფოტოგრაფიის რეინოვაციას” უწოდებენ და ამბობენ, რომ P9-ს ინჟინერიაში Leica-ს დიდი წვლილი მიუძღვის.
ორივე სმარტფონს აქვს 2.5GHz სიხშირის რვა ბირთვიანი 955 Kirin ჩიპსეთი და 3 ან 4GB ოპერატიული მახსოვრობა (რომელიც დამოკიდებულია ვარიანტზე). ასევე 3000 მილიამპერიანი ბატარია, რომელიც HD ვიდეოს ყურების დროს 12 საათს გაძლებს. ტელეფონის კორპუსი მთლიანად ალუმინისაა, აქვს ანტენის ხაზები და ცოტათი Nexus 6P-საც წააგავს. ასევე USB Type-C პორტი და თითის ანაბეჭდის სენსორი უკან. სამწუხაროდ, მისი დინამიკებიც სახისკენ არაა მიმართლი, როგორც Nexus-ში. ტელეფონი არის 6.95მმ სისქის, რაც იმას ნიშნავს, რომ ის Galaxy S7-ზე თხელია და მისი კამერაც გამოწეული არაა, 6P-სგან განსხვავებით. სმარტფონს აგრეთვე აქვს ორი სიმ ბარათისა და Micro SD ბარათის მხარდაჭერა. P9 Plus-ს აქვს ‘Press Touch Display-ც’, რომელიც ორ დონეზე დაჭერის სიმძლავრეს აკონტროლებს. აღნიშნულ ფუნქციის მხარდაჭერა 18 აპლიკაციას ექნება. სხვა გამორცეული ფუნქციებია IR blaster, რომელიც მომხმარებელს ტელევიზორის კონტროლის საშუალებას აძლევს.
P9 გამოსულია ექვს სხვადასხვა ფერში: თეთრი, ნისლისფერი ოქრო, ვარდისფერი ოქრო, ნაცრისფერი, ვერცხლისფერი და პრესტიჟული ოქრო. P9 Plus კი მხოლოდ 4 ფერში: თეთრი, ვარდისფერი ოქრო, ნისლისფერი ოქრო და ნაცრისფერი.
Huawei-ს განცხადებით, ტელეფონების გაყიდვები 16 აპრილს რამდენიმე ევროპულ და ახლო აღმოსავლეთის ქვეყნებში დაიწყება, ასევე ჩინეთშიც. P9-ს ფასი 32GB/3GB RAM ვარიანტისთვის €599 იქნება, 64GB/4GB RAM ვარიანტი კი €649 ეღირება. P9 Plus-ის ფასი €749 იქნება, 64GB შიდა და 4GB ოპერატიული მახსოვრობით.
https://www.youtube.com/watch?v=9BvX_GA3D6U