როგორც უკვე იცით, Google-მა წლევანდელ I/O-ზე ორი საკმაოდ საინტერესო აპლიკაცია, Allo და Duo წარადგინა. იქვე აღნიშნეს, რომ აღნიშნული აპლიკაციები ამა წლის ზაფხულში იქნებოდა ხელმისაწვდომი. როგორც იქნა, დადგა ის ნანატრი დღეს. Duo Play Store-ში ახლახანს გაეშვა და რამდენიმე საათში იგი მთელს მსოფლიოში იქნება ხელმისაწვდომი. Allo-ს შესახებ ჯერჯერობით არაფერი ისმის.

Duo არის მარტივი ვიდეო ზარების აპლიკაცია, რომელსაც Hangouts-ის რამდენიმე ფუნქციაც აქვს ჩაშენებული. მასზე რეგისტრაცია შესაძლებელია ტელეფონის ნომრით, ამიტომ თქვენ შეგიძლიათ დაურეკოთ ნებისმიერს, ვინც თქვენს კონტაქტების სიაშია და Duo-ს იყენებს. აპლიკაცია Android-სა და iOS-ზეა ხელმისაწვდომი. ზარის დასაწყებად მხოლოდ ერთი დაჭერაა საჭირო. როცა ვინმე დაგირეკავთ, თქვენ იხილავთ ლაივ ვიდეოს მანამ, სანამ უპასუხებთ. Google-ის ამ ფუნქციას Knock Knock-ს (კაკ-კუკ-ს) ეძახის. რა თქმა უნდა, მისი გათიშვა პარამეტრებიდანაა შესაძლებელი, iOS მომხმარებლები კი ვიდეოს მანამ არ იხილავენ, სანამ უშუალოდ აპლიკაციას არ გახსნიან.

Google-ის აპლიკაციაში QUIC პროტოკოლს იყენებს, რათა უზრუნვლეყოს ბევრად უფრო უკეთესი ხარისხი, ვიდრე კონკურენტ აპლიკაციებს აქვთ. Duo-ს შეუძლია ავტომატურად დაადგინოს, როტა WiFi-ს სიგნალი სუსტია და ავტომატურად გადავიდეს მობილურ ინტერნეტზე. Duo გადმოსაწერად სულ რამდენიმე საათში იქნება ხელმისაწვდომი.

https://www.youtube.com/watch?v=CIeMysX76pM

წყარო: Google Blog, Duo