Android 7.0 Nougat ორი დღის წინ გამოვიდა, მაგრამ რას იტყვით შემდეგ განახლებაზე? Android-ის დეველოპერების ბლოგის მიხედვით, Google-ი მუშაობს, რომ ოპერაციული სისტემის განახლებები კვარტალურად გამოუშვას. პირველი განახლება უკვე მზადების პროცესშია და დიდი ალბათობით მას შემოდგომაზე ვიხილავთ. გავრცელდა ხმები, რომ ამ განახლების ნომერი 7.1 იქნება.

წინათ, Android-ის მნიშვნელოვაინ განახლებები გაფრთხილების გარეშე გამოდიოდა. ახლა კი, ჩვენ გვექნება საშუალება, გამოვცადოთ განახლებების developer preview ანაწყობები. საინტერესო ისაა, რომ დეველოპერული პროგრამა გრძელდება და მისი გამოყენება უფრო ხშირად შეგვეძლება. როდესაც პირველი ანაწყობი გამოვა, ის პირველ რიგში dev preview-ის მომხმარებლებს გაეგზავნებათ. ეს იმას ნიშნავს, რომ ჩვენ შეგვეძლება დავაგემოვნოთ Android-ის უახლესი ვერსიები, სანამ ისინი მეინსტრიმ მომხმარებლამდე მიაღწევენ.

როგორც უკვე ვთქვით, განახლება შემოდგომაზე გამოვა, თუმცა უცნობია, უზრუნველყოფს თუ არა Google-ი მომხმარებლებს იმიჯებითა და OTA ლინკებით.

წყარო: Android Developers