Android-ის ახალი ვერსიის გამოსვლისას, როგორც მაგალითად Android N Developer Preview 2-ის, Google როგორც ყოველთვის აქვეყნებს ცვლილებების სიას. თუმცა, სისტემაში ყოველთვისაა პატარ-პატარა ცვლილებები სამომხმარებლო ინტერფეისში ან ფუნქციონალში, რომლებიც სიაში ვერ მოხვდნენ. ამ სტატიაში კი სწორედ ამ ცვლილებებს გაგაცნობთ.
ახალი ხატულები საქაღალდეებზე!
“Clear All ღილაკი აპლიკაციების გადამრთველში!
კალკულატორის მალსახმობი სწრაფ ოფციებში!
ახალი Emoji-ები!
ახალი ინტერფეისი კამერის აპლიკაციისთვის. ასევე სურათების გადაღების საშუალება ვიდეოს დროს!
როდესაც აპლიკაციების ასარჩევიდან აპლიკაციას ან ვიდჯეტს აიღებთ და ეკრანზე გადმოაგდებთ, მისი წაშლის ფუნქცია ზევით იქნება, ინფორმაციის ნახვა კი ქვევით (იხილეთ ფოტო). აღნიშნული ფუნქცია Google App / Google Now Laucher-ს დაემატა, თუმცა იგი მხოლოდ Android N DP2-შია ხელმისაწვდომი.
როგორც იქნა, სამუშაო ეკრანსა და დაბლოკილ ეკრანზე ინდივიდუალური შპალერის დაყენება!
Googleმა ასევე გამოაქვეყნა Android N Preview-ს OTA .zip ფაილები! აღნიშნული ფაილებით სისტემის დაინსტალება შეეძლებათ მათ, ვისაც არ უნდათ OTA განახლებისთვის ლოდინი ან დაავიწყდათ bootloader-ის გახსნა.
ახალ ანაწყობში აგრეთვე ვიხილავთ დაბლოკილი ეკრანიდან შეტყობინებებზე პასუხის ფუნქციასაც, რომლის ჩართვა/გამორთვა პარამეტრებიდანაა შესაძლებელი.
