Android N Developer Preview-ს მესამე ანაწყობი უკვე გამოვიდა. Google-მა გუშინ რამდენიმე ახალი ფუნქცია წარმოგვიდგინა, რომლის გამოყენებაც უკვე შესაძლებელია განახლების მეშვეობით.

ანაწყობის Nexus 6P-ზე, 5X-ზე, 6-ზე, Pixel C-სა და სხვა მხარდაჭერილ მოწყობილობებზე დასაყენებლად რამდენიმე გზა არსებობს. ერთ-ერთი მათგანია OTA განახლება, რომელიც იმ შემთხვევაში მოგივათ, თუ ბეტა პროგრამაში ხართ გაწევრიანებული. განახლების ფაილების გადმოწერა ასევე შესაძლებელია Google-ის დეველოპერული ვებსაიტიდან. საიტზე ასევე ნახავთ იმიჯებს (NPD35K ნომრით). ამ პაკეტების დაინსტალება შესაძლებელია ისეთ მოწყობილობებზეც, რომლებზეც არაა დაყენებული Android N-ის საცდელი ვერსია.

Google-ის თქმით, ეს ანაწყობი იქნება ბევრად უფრო სტაბილური, რაც ხელს შეუწყობს დეველოპერებს დატესტონ აპლიკაციები აღნიშნულ სისტემაზე. სისტემა შეიცავს Daydream VR-ის ხელსაწყოებს და ცვლილებებს ბოლოს გაშვებული აპლიკაციების მენიუში.

წყარო: OTA ფაილები, სისტემური იმიჯები