რამდენიმე დღის წინ Chromebook Flip-ზე დეველოპერული არხით დაიწყო 53-ე განახლების გავრცელება. აღნიშნულ ვერსიაში დაემატა Google I/O-ზე დაანონსებული Play Store. ეს იმას ნიშნავს, რომ აღნიშნულ მოწყობილობაზე უკვე შესაძლებელია Android აპლიკაციების დაყენება პირდაპირ მარკეტიდან.

Google-ის ბლოგიდან ვიგებთ, რომ შემდეგი მოწყობილობები, რომლებიც აღნიშნულ განახლებას მიიღებენ, იქნებიან Chromebook Pixel და Acer Chromebook R11, იგივე C738T. ეს მოწყობილობები განახლებას 2016 წლის ივნისისა და ივლისის თვეებში მიიღებენ. დანარჩენი Chromebook-ებისათვის კი იგი 2016/2017 წელს იქნება ხელმისაწვდომი. 53-ე განახლებას მიიღებენ მოწყობილობები ისეთი მწარმოებლებისაგან, როგორებიცაა Dell, Toshiba, Lenovo და ა.შ. სიაში ასევე შედიან კომპანიებიც, რომლის შესახებაც არაფერი მსმენია.

წყარო: Google Chromebook help