Amazon Echo-ს კონკურენტი გამოუჩნდა. როგორც New York Times-მა გასულ დღეებში აღნიშნა, Google ახალი მოწყობილობის გამოშვებას აპირებს, რომელსაც ნატურალური ენის გადამუშავების შესაძლებლობა აქვს. თუ მის შესახებ ჯერ არ გსმენიათ, მისი სახელია Google Home.

Google Home პირველი მოწყობილობა იყო, რომელიც Google I/O-ზე keynote-ს დროს წარგვიდგინეს. მისი დიზაინი არც თუ ისე განსხვავდება Echo-სგან. მას აქვს ცილინდრის ფორმა, თეთრი ზედაპირითა და დინამიკებით.

მოწყობილობას შეუძლია, დინამიკებთან და ტელევიზორებთან დაკავშირებით, აკონტროლოს მუსიკა მთელს სახლში, რომელსაც Google Cast-ის საშუალებით ახერხებს.

როგორც ჩანს, საძიებო გიგანტი სახლის ავტომატიზაციის პროექტში ღმად შეჭრას აპირებს. Home-ს ექნება შესაძლებლობა აკონტროლოს მაღვიძარები, განათება, და Nest-ის პროდუქტები. დამატებითი დანარჩენი ფუნქციები მუშაობის პროცესშია. Google Assistant-ის გამოყენებით, Home-ს შეეძლება დასმულ შეკითხვებზე დეტალური და ამომწურავი პასუხის გაცემა.

https://twitter.com/google/status/732984268410998785?ref_src=twsrc%5Etfw

Google-ს მოწყობილობის გამოსვლის ზუსტი თარიღი არ უთქვამს, თუმცა მას წელს უნდა ველოდოთ. სიახლეების გასაგებად შეგიძლიათ ჩაეწეროთ მოწყობილობის ოფიციალურ საიტზე home.google.com