Google Home-ი საძიებო სისტემის გიგანტმა პირველად წელს, I/O-ზე წარგვიდგინა. გუშინ კი, #madebygoogle ღონისძიებაზე როგორც იქნა მის შესახებ უფრო მეტი დეტალი გავიგეთ ფასის, გაყიდვის დროის, შესაძლებლობების და სხვების შესახებ.

https://www.youtube.com/watch?v=r0iLfAV0pIg

I/O-დან მოყოლებული ვიცოდით, რომ Home-ი Google Assistant-ით იქნებოდა აღჭურვილი. Chromecast-თან დაკავშირების, შეკითხვებზე პასუხის გაცემის, მუსიკის დაკვრის, ხალხისთვის მიწერის, კალენდარზე ღონისძიებების მონშვნისა და რედაქტირების გარდა ჩვენთვის გუშინ აგრეთვე სხვა ფუნქციებიც გახდა ცნობილი. მაგალითად, SmartThings-ის, Nest-ის, IFTTT-ის, Philips Hue-ს მხარდაჭერა. აგრეთვე ყოველდღიური მისიებისა და სხვადასხვა აპარატების კონტროლი.

https://www.youtube.com/watch?v=nWiIWyCeZso

მოწყობილობის თავზე მოთავსებულია LED ნათურები, რომელიც Assistant-ის ფერებში ანათებს. აგრეთვე ვირტუალური თაჩპედი, რომლითაც მუსიკისა და ხმის კონტროლი შეგეძლებათ. ასევე ხმის ამოცნობის ჩართვაც. ყიდვის დროს შეგეძლებათ აირჩიოთ სასურველი ფერი დაბლითა ნაწილისთვის. მუსიკებისთვის შეგიძლიათ გამოიყენოთ Spotify, Pandora, TuneIn, Google Play Music და YouTube Music. ძიების განხორციელების დროს, მოწყობილობა Google-ის ვებგვერდიდან პირველ შედეგს წაიკითხავს, რომელიც როგორც წესი ზუსტია ხოლმე.

Google Home-ის წინასწარი შეკვეთა დღესვე შეგიძლიათ Google Store-დან $129-ად. მისი დარიგება 4 ნოემბერს დაიწყება და ის აგრეთვე გაიყიდება ისეთ ადგილებში, როგორებიცაა Best Buy, Target, Walmart და ა.შ.