როგორც მოსალოდნელი იყო, Google-მა გუშინდელ პრეზენტაციაზე თავისი ჭკვიანი სახლის მოწყობილობის პატარა ვარიანტი, Google Home Mini წარადგინა. იგი სტანდარტულ Home-ზე ბევრად უფრო იაფი და პატარაა, მისი შეძენა სულ რაღაც $49-ად შეგეძლებათ.

რთული შესამჩნევი არაა, რომ კომპანიამ ინსპირაცია აშკარად Amazon-ის Echo Dot-ისგან მიიღო, რომელსაც ზუსტად იგივე ფასი და შეზღუდვები აქვს. თუმცა, მისგან განსხვავებით, Home Mini-ის ზედაპირი სენსორულია და ქსოვილითაა დაფარული. რა საკვირველია, მასში ჩაშენებულია Google Assistant, რომლის საშუალებითაც ნებისმიერ დროს მიიღებთ თქვენთვის სასურველ ინფორმაციას.

Google Home Mini-ს წინასწარი შაკვეთები დღეს დაიწყო. მაღაზიაში ყიდვა 19 ოქტომბრიდან იქნება შესაძლებელი. მოწყობილობა ხელმისაწვდომია ცარცის, ნახშირის და მარჯნის ფერებში (ალბათ მათი თარგმნა არც თუ ისე კარგი იდეა იყო…)