დღეს IFA-ზე Huawei-მ ორი ახალი ტელეფონი წარადგინა, რომელთაგანაც ერთ-ერთი შესაძლოა ძალიან გეცნოთ. nova და nova plus, რომლების სახელებიც რატომღაც დიდი ასოთი არ იწყება, Huawei-ს საშუალო დონის მონაცემების სმარტფონების სიაში შედიან.
nova ხაზის ორივე სმარტფონს მომრგვალებული კუთხეები და მეტალის კორპუსი აქვთ, თუმცა მათი დიზაინი ერთმანეთისგან ძალიან გასხვავდება. nova-ს დიზაინი ძალიან, ძალიან გავს Nexus 6P-ის დიზაინს. კორპუსის უკან, ზემოთა მხარეს განთავსებულია კამერა და LED განათება, მის დაბლა კი თითის ანაბეჭდის სენსორი. სიმართლე რომ გითხრათ, წარმოდგენა არ მაქვს, ვის შეიძლება უნდოდეს Nexus 6P-ის ულამაზეს კორპუსში ჩასმული EMUI-ს *ეჰემ*მახინჯი*ეჰემ* სკინით აღჭურვილი ტელეფონი, თუმცა, გემოვნებაზე არ დაობენო…
https://www.youtube.com/watch?v=_U-Y06zlyEw
მიუხედავად იმისა, რომ ორივე ტელეფონს Snapdragon 625 პროცესორი, 3GB ოპერატიული და 32GB შიდა მეხსიერება, microSD ბარათის სლოტი, USB-C პორტი და 8MP წინა კამერა აქვს, ისინი მაინც განსხვავდებიან ერთმანეთისგან. nova-ს 5 დიუიმიანი 1080p გაფართოების ეკრანი, 12MP 1.24 micron პიქსელებითა და ფართო დიაფრაგმით აღჭურვილი უკანა კამერა და 3020 მილიამპერიანი ბატარეა აქვს. nova plus-ის ეკრანი კი 5.5 დიუიმის ზომისაა. გაფართოება იგივე რჩება, თუმცა უკანა კამერა აქ 16 მეგაპიქსელიანია და ოპტიკური სტაბილიზაციაც აქვს. აგრეთვე ბატარეის მოცულობა 3340 მილიამპერამდე გაიზარდა.
ორივე ტელეფონი ვერცხლის, ოქროსა და ტიტანიუმის ფერებში იქნება ხელიმსაწვდომი და მათზე Emotion UI 4.1-ით შემოსილი Marshmallow იქნება გაშვებული. სმარტფონების გაყიდვა 50 სხვადასხვა მარკეტში ოქტომბრიდან დაიწყება. nova-ს ფასი €399, nova plus-ის კი €429 იქნება.