nova და nova plus ტელეფონების გარდა, Huawei-მ IFA-ზე ახალი პლანშეტი, MediaPad M3-იც წარგვიდგინა. პლანშეტი ხმის პრემიუმ ხარისხზეა ორიენტირებული. მისი სტერეო დინამიკები Harman Kardon-ის მიერაა დამზადებული. მოწყობილობას აგრეთვე მოყვება AKG H300 ყურსასმენები, რომლებიც სპეციალურად მისთვისაა შექმნილი.
8.4 დიუიმიან 2560×1600 გაფართოების ეკრანს სიბნელეში მავნე ლურჯი სინათლის გაფილტვრა შეუძლია. პლანშეტის მთლიანი კორპუსი ალუმინისგან შედგება და მომრგვალებული კუთხეების გამო იგი საკმაოდ კომფორტული გამოსაყენებელია
MediaPad M3 აღჭურვილია Kirin 950 პროცესორით, 4GB ოპერატიულითა და 32GB ან 64GB შიდა მეხსიერებით, რომლსი გაზრდაც microSD ბარათითაა შესაძლებელი. ბატარეის მოცულობა 5100 მილიამპერია და მისი დამუხტვა MicroUSB სადენითაა შესაძლებელი. Huawei გვპირდება, რომ პლანშეტზე ვიდეოების Full HD გაფართოებაში ყურება 11 საათის განმავლობაში შეგვიძლია, მუსიკების მოსმენა კი 45 საათის განმავლობაში. პლანშეტს უკან 8 მეგაპიქსელიანი კამერა აქვს, წინიდან კი ეკრანის დაბლა თითის ანაბეჭდის სკანერია განთავსებული. მასზე Emotion UI 4.1 სკინით შემოსილი Marshmallow აყენია.
MediaPad M3 26 სექტემბრიდან იქნება ხელმისაწვდომი ოქროსა და ვერცხლის ფერებში. 32GB-იანი ვარიანტი €349 ეღირება, 32GB LTE €399, 64GB €399, ხოლოდ 64GB LTE €449.
https://www.youtube.com/watch?v=WqOpZfTVIoQ