თუ კარგად გახსოვთ, ერთი კვირის წინ ჩვენ შემოგთავაზეთ Pixel-ის და Pixel XL-ის გაჟონილი სურათები. მიუხედავად იმისა, რომ მათი ხილვით ბევრ რამეს მოეფინა ნათელი, ჩვენ მაინც ვერ ვიხილეთ საწყისი ეკრანი ან ახალი ნავიგაციის ღილაკები, რომლის შესახებაც ადრე დავწერეთ.

VentureBeat-მა ახლახანს გამოაქვეყნა ამ ორი ტელეფონის სურათი, რომელშიც ნათლად ჩანს Pixel Launcher-ი, მრგვალი ხატულები და ახალი ნავიგაციის ბარი.

ღილაკები ახლა უკვე მთლიანად შემოსულია. როგორც ხედავთ, “სახლში” დაბრუნების ღილაკიც ცოტათი შეიცვალა. გაითვალისწინეთ, რომ აღნიშნული სკინი შეასძლოა მხოლოდ Google-ის Pixel მოწყობილობებზე იყოს ხელმისაწვდომი. თუმცა, შეგვიძლია ვივარაუდოთ ისიც, რომ მას Android 7.1-ში ვიხილავთ.

საიტზე აგრეთვე დაიდო Pixel XL-ის სურათიც. ალბათ შეამჩნევდით, რომ ამ ორ ტელეფონს შორის დიდი არაფერი განსხვავება არაა. ერთი შეხედვით, მათ ერთმანეთისგან მხოლოდ ზომა განასხვავებთ. Pixel-ის ეკრანი 5 დიუიმიანი, ხოლო Pixel XL-ის ეკრანი კი 5.5 დიუიმიანია. შესადარებლად, გეტყვით, რომ Nexus 6P-ს ეკრანი 5.7, ხოლო 5X-ის კი 5.2 დიუიმიანი იყო.

წყარო: VentureBeat