ახლა, როცა უკვე დანამდვილებით ვიცით, რომ Google-ის წლევანდელი მოწყობილობების სახელები Pixel-ი და Pixel XL-ი იქნება, შეგვიძლია მათ ფასზეც ვილაპარაკოთ.

სანდო წყარომ გაავრცელა ინფორმაცია, რომ Pixel-ის საბაზისო, ანუ 32GB-იანი ვარიანტის ფასი $649 იქნება *ეჰემ*აიფონი*ეჰემ*. როგორც უკვე იცით, Pixel-ი შედარებით ბიუჯეტური მოდელია, რომელსაც 5 დიუიმიანი ეკრანი აქვს. რა საკვირველია, უფრო დიდ მოცულობიანი ვარიანტების ფასი უფრო მაღალი იქნება. აგრეთვე უნდა ვივარაუდოთ, რომ Pixel XL-ის ფასი 700 ამერიკული დოლარის ფარგლებში იქნება.

იგივე წყარო აგრეთვე იუწყება, რომ ამ ტელეფონებისთვის ხელმისაწვდომი იქნება Google-ის Daydream მოწყობილობა. მისი ფასი $80 იქნება. ტელეფონებზე აგრეთვე ვრცელდება ნებაყოფლობითი გარანტია შემთხვევითი დაზიანების შემთხვავაში. გარანტიის ფასი Pixel-ის შემთხვევაში $99-ს, ხოლო Pixel XL-ზე $119-ს შეადგენს. აგრეთვე ხელმისაწვდომი იქნება რამდენიმე სხვადასხვა ფერის ქეისი Google-ს ლოგოთი.

ტელეფონი Google Store-იდან გაიყიდება. აგრეთვე ვიცით, რომ Verizon-ი Google-ის ექსკლუზიური გადამყიდველია. ტელეფონები ლურჯ, ალუმინის და შავ ფერებში იქნება ხელმისაწვდომი. როგორც ოფიციალური ინფორმაციიდან გაირკვა, ტელეფონებს 4 ოქტომბერს ვიხილავთ.