დამეთანხმებით, Pixel 2 და Pixel 2 XL-ი ის სმარტფონები გახლავთ, რომლებსაც წელს Android-ის ფანები თუ უბრალოდ ენთუზიასტები ყველაზე მეტად ელოდებიან. სულ რამდენიმე წუთის წინ გავრცელდა Pixel 2 XL-ის (ასევე დადასტურადა ეს სახელიც) ფოტოები. როგორც ჩანს, ოქტომბერში სმარტფონის ორ ვარიანტს ვიხილავთ. ერთს 64, ხოლო მეორეს 128GB შიდა მეხსიერება ექნება.

აგრეთვე დადასტურდა, რომ ტელეფონი გამოვა “უბრალოდ შავი” (Just Black) და “შავ-თეთრ” (Black & White) ფერებში. როგორც მოველოდით, კამერის ლინზა ზედა შუშის შიგნით, თითის ანაბეჭდის სენსორი კი მის დაბლა, მეტალზეა განთავსებული.

როგორც ხედავთ, ჯერჯერობით ტელეფონების კორფუსის უკანა კორპუსის ფოტოები გვაქვს, თუმცა მათგან მაინც შეიძლება რაღაც ინფორმაციის გაგება. მაგალითისთვის, აშკარად ჩანს, რომ შავ-თეთრი ვარიანტის power ღილაკი რატომღაც ნარინჯისფერია. შეიძლება ეს უბრალოდ იმ დიზაინერის ხრიკებია, რომელმაც რენდერები გაავრცელა, თუმცა Google-ისგან არაფერია გამორიცხული. “უბრალოდ შავ” ვარიანტზე კი ჩვეულებრივ, შავ ღილაკებს ვხვდებით. კორპუსის დაბლა დატანილია უკვე ყველასთვის კარგად ცნობილი “G” ლოგო.

64GB-იანი Pixel 2 XL-ის ფასი $849-ს შეადგენს, მისი 128GB ვერსია კი $949 დაგიჯდებათ. შედარებისთვის, გასული წლის 128GB Pixel XL-ი $869, ანუ სულ რაღაც $80-ით იაფი ღირდა. ასევე უნდა გავითვალისწინოთ ისიც, რომ შარშანდელი სმარტფონის საბაზისო ვერსიას 64-ის მაგივრად 32GB შიდა მეხსიერება ჰქონდა. როგორც ჩანს, Google-ი Samsung-ისა და Apple-ის გზას მიჰყვა (რაც ძალიან კარგია).

Pixel 2-ისა და Pixel 2 XL-ის გამოსვლის შემდეგ, რომელიც 4 ოქტომბერსაა დაგეგმილი, მათი შეძენა ამ ლინკიდან შეგეძლებათ.

წყარო: Droid Life