Prisma არის ახალი ფილტრების აპლიკაცია, რომელიც ცოტა ხნის წინ გამოვიდა და iOS-ზე საკმაოდ დიდი პოპულარობა მოიპოვა. აღნიშნული აპლიკაცია Android-ზე რამდენიმე კვირის განმავლობაში ბეტა სტადიაში იყო, თუმცა დღეს მან სტაბილურ არხზე გადაინაცვლა და Play Store-შიც გამოჩნდა. მისი საშუალებით, თქვენ შეგეძლებათ ფოტოებზე “მხატვრული” ფილტრების დადება, რომლებსაც შემდეგ სურვილისამებრ Facebook, Instagram ან სხვა სოციალურ ქსელში გააზიარებთ. Prisma უფასოა, თუმცა იგი საჭიროებს Android-ის 4.1 ან უფრო მაღალ ვერსიას.
შეიძლება ფიქრობთ, რომ მორიგ ფილტრების აპლიკაციაზე დიდი ყურადღების გამახვილება არ ღირს, თუმზა ძალიან ცდებით. Prisma ძალიან განსხვავებულია თავისი კონკურენტებისგან. ფილტრები საკმაოდ მძაფრი და დრამატულია. მათ შეუძლიათ ჩვეულებირივი სურათი ხელოვნების შედევრად აქციონ. ზოგიერთ შემთხვევაში, ძნელი დასაჯერებელია, რომ ასეთი სურათები აპლიკაციამ ავტომატურად გააკეთა. ზოგიერთ ფილტრს კი მხატვრების სახელები ქვიათ.
ფილტრების სიმძაფრის შეცვლა თითის მარჯვნივ-მარცხნივ გასრიალებითაა შესაძლებელი. აპლიკაციაში შეგიძლიათ გამოიყენოთ ჩაშენებული კამერა, ან აირჩითო სურათები გალერეიდან.