IFA-ზე სონიმ ორი Xperia ხაზის სმარტფონი, Xperia XZ და Xperia X Compact წარადგინა. მათი სურათები და სავარაუდო სისტემური მახასიათებლები რამდენიმე დღის წინ გავრცელდა.

https://www.youtube.com/watch?v=QdY4IJguI0k

Xperia XZ-ს 23 მეგაპიქსელიანი კამერა აქვს, რომელიც “სურათის სამმაგი აღქმის ტექნოლოგიას” იყენებს. აღნიშნული ტექნოლოგია მთავარ კამერასა და ორ დამხმარე სენსორზე ვრცელდება. Sony-ს განცხადებით, ამ კამერას შეეძლება სიბნელეშიც კი დაუბურავი სურათები გადაიღოს. XZ-ის კამერა ვიდეოებსაც კარგად იღებს. მას შეუძლია Sony Handycam-ის მსგავსი ხუთ-ღერძიანი სტაბილიზაციის სისტემით 4K ვიდეოების გადაღება. წინა კამერის გაფართოება 13 მეგაპიქსელს შეადგენს.

XZ-ს აქვს 5.2 დიუიმიანი 1080p გაფართოების კამერა და მთლიანად ალუმინის კორპუსი. იგი აღჭურვილია Snapdragon 820 პროცესორით, 3GB ოპერატიული მეხსიერებითა და USB Type-C პორტით დამუხტვისთვის. აგრეთვე მას აქვს ორი SIM ბარათის მხარდაჭერა და MicroSD ბარათის სლოტი, რომელსაც მეხსიერების გაზრდა 256GB-მდე შეუძლია. IP65/68-ის წყალობით, ტელეფონი წყალ და მტვერ გაუმტარია, თუმცა Sony გვირჩევს, რომ მის დამუხტვამდე პორტს გაშრობა დავაცადოთ. ტელეფონზე Android 6.0 Marshmallow აყენია.

ტელეფონში აგრეთვე ჩაშენებულია Sony-ს “Battery Care” ტექნოლოგია. აღნიშნული ტექნოლოგია აღიქვამს (ან უბრალოდ დროის მიხედვით ხვდება) როდესაც მას ღამე სადენზე შეაერთებთ, ამიტომ იგი გამუდმებით არ იტენება. XZ-ში აგრეთვე იხილავთ “Smart Cleaner” ფუნქციას, რომელიც “RAM-ისა და ROM-ის ოპტიმიზაციას” გულისხმობს. ალბათ უკვე მოგეხსენებათ ჩემი აზრი მსგავსი აპლიკაციების შესახებ. თანაც, ROM მხოლოდ წაკითხვად მეხსიერებას (Read Only Memory-ს) ნიშნავს, არ მეგონა, ამ ტერმინს კიდევ ვინმე თუ იყენებდა.

https://www.youtube.com/watch?v=yqiT7at-1WA

Xperia X Compact კი, როგორც ყველა სხვა კომპაქტური მოდელი, ზომაში უფრო პატარაა და შედარებით უფორ სუსტი მონაცემები აქვს. მისი დიზაინი თითქმის ისეთივეა, როგორიც XZ-ისა, თუმცა კომპაქტურ ვერსიას 4.6 დიუიმიანი 720p ეკრანი აქვს. Compact-ში აგრეთვე იხილავთ ზუსტად ისეთ კამერას, როგორიც XZ-ის დახასიათებისას ავღწერე, თუმცა წინა კამერის გაფართოება 5 მეგაპიქსელამდე ჩამოვიდა. ტელეფონი აღჭურვილია Snapdragon 650 პროცესორითა და 2700 მილიამპერიანი ბატარეით.

Xperia XZ და Xperia X Compact შესაბამისად ოქტომბერსა და სექტემბერში გაეშვებიან, თუმცა მათი ფასები ჯერჯერობით უცნობია.

წყარო: Sony Mobile, XZ პროდუქტის გვერდი, X Compact პროდუქტის გვერდი